Drivers

اذكر قبل سايقنا ( صدديق) احسن واحد يضيع بالديره .. ماعنده اي اشكال لو تقوله ودهم الاندلس يوصلهم صباح السالم
شي عادي عنده .. كنت ازفه واعصب عليه - واطيحله سلايت بعد - ماكو فايده
وفي واجد من هالسواق بالكويت ماعمري شفت سايق يعرف شقاعد يسوي
لا ما استغرب الا من شغله... لما يجون من ديرتهم ما يعرفون الكويت وين صايره كلش
يعني انا اذا بدش بمخ واحد منهم اشك انه عباله الكويت جارة بوركينافاسو
واول شي يجيبه وياه قبل جوازه قبل جناطه شريط كله اغاني حب هنديه
محد عافس بحسبتهم إلا هالشريط اول ما يوقف ووينزلون العايله مكان
جذيه واقف بنص الشارع .. قبل ما يحرك اول شي يسويه يطلع شريطه يشوف اي وجه كان عليه
يسويله (دبل جيك) يحطه بالمسجله بــــــــــعــــــــدين يفكر انه يحرك
وراه ناس ماوراه ماله شغل يعني مستعد يوقف شارع الخليج ماعنده مشاكل كلش
شوفوا تبون نصيحتي ثلاثه لا تمشون وراهم بالكويت يعني لو لازم لازم جدامكم اخذ حارة الامان روح فيلجا
تصرف سو اي شي ثاني غير تكون وراهم
شايب راكب وانيت ولا هندي مشغل شريط هندي و لا مراه تسولف بالتلفون
حـــــــزام الامــــــــان فيـــــــــــــه الامــــــــــــان
منو يلبس حزام الامان ؟ انا شخصيا ً كل ما احاول البسه ما البسه
ولا تبون أذكى شي بالدنيا .. سايقنا صدديق ( ماعليش صدديق حاشينه فيك واجد ) شاف تفتيش وزحمه
وقف بهالزحمه ربع ساعه ولا لما

شافه الظابط ( اهو رقيب بس خنكشخه شويه ) سلم عليه ولبس حزام
يعني مو اشككره خالفني